Çdo mysliman që gëzon një shëndet të mirë mendor, ka mbërritur moshën e pjekurisë dhe konsiderohet i pasur sipas Islamit. (Ai që zotëron pasuri në nivelin e nisabit.) e ka farz dhënien e zekatit një herë në vit.
Sipas fesë Islame, i pasur konsiderohet ai që zotëron pasuri në nivelin e nisabit duke përjashtuar nevojat e tij themelore dhe borxhet. Nevoja themelore konsiderohen:
– Shtëpia.
– Sendet shtëpiake.
– Rrobat
– Mjetet e ngarkesës.
– Librat.
– Mjetet e nevojshme për profesionin.
– Shpenzimet e jetesës së një viti të familjes.
Me kusht që të mos përdoren për tregti.
Nisabi është kufiri i poshtëm i pasurisë. Ai që me pasurinë e tij arrin këtë kufi është i obliguar të presë kurban dhe të japë sadaka-i fitër. Zekati bëhet farz kur pasuria e një myslimani arrin vlerën e nisabit dhe qëndron në gjendje gjatë një viti hënor.
Nisabi i mallrave për të cilat jepet zekati dhe sasia e zekatit
Dhënia e zekatit është farz për atë që në pikëpamje islame konsiderohet i pasur dhe që zotëron pasuri në sasinë e nisabit për një vit.
– Sasia e nisabit llogaritet përtej nevojave themelore dhe borxheve.
– Nisabi dhe sasia e zekatit ndryshon në varësi të pasurisë.
Zekati dhe nisabi i mallrave tregtar
| Lloji i mallit | Sasia e nisabit | Sasia e zekatit që duhet dhanë: |
|
Ar |
80,18 gram |
Një e dyzeta (2,5 përqind) % 2,5 |
|
Argjend |
561 gram |
|
|
Pasuri tregtie |
80,18 gram në vlerën e arit |
|
|
Para kesh |
80,18 gram në vlerën e arit |
Nisabi dhe zekati i kafshëve
Sasia e zekatit që jepet për kafshët lidhet me llojin dhe numrin e kafshëve:
Desh dhe cjepë: Zekati për 40-120 desh ose cjepë është 1 cjap ose 1 dash.
Gjedhë: Zekati për 30-39 gjedhë (duke përfshirë edhe 39-ën) është 1 viç.
Deve: Zekati i 5-9 deveve (duke përfshirë edhe 9) është një dash ose një cjap.
Njohuritë e tjera në lidhje me zekatin e kafshëve të mësipërme, kur ato janë në sasi të tjera mund t’i merrni në ilmihale të ndryshme.
Nisabi dhe zekati i prodhimeve bujqësore
– Nisabi i prodhimeve bujqësore është 610 kg.
– Zekati i prodhimeve që sigurohen nga një tokë që nuk ka shpenzime ujitjeje është 1 e 10-ta (10%).
– Zekati i prodhimeve që sigurohen nga një tokë me shpenzime të larta ujitjeje është 1 e 20-ta (5%).
” Zekati jepet për të gjitha prodhimet bujqësore, si: grurë, elb, mel, panxhar, pjepër, bostan, oriz, patëllxhan, ulli, mollë, portokall, qershi, pjeshkë, zarzavate të ndryshme, etj.
” Për prodhimet bujqësore nuk është kusht që ato të qëndrojnë një vit. Zekati i prodhimeve bujqësore jepet menjëherë pasi të mblidhet nga parcela.
